నేనే నువ్వు..నువ్వేనేను

నేను పువ్వునై నిల్చున్ననా..

తుమ్మెదవై నన్ను అలరిస్తావు..

నేను శిశిరమై చూస్తుంటావా..

సుడిగాలిలా వచ్చి నన్ను చుట్టుకుపోతావు..

వసంత రాగాన్నై పాడుతుంటానా..

నా కంటిముందు కోయిలై రాగాలు ఆలపిస్తావు...

నేను ప్రేమను అందిస్తానా..

ఆరాధనగా మారి నన్ను అభిషేకిస్తావు

పరవశమై పలకరిస్తానా..

నా ఆలోచనలన్నీ ఖాళీ చేస్తానా..

అలనై ఎగసి పడతానా..

అనుబంధాన్ని అణువణువునా నింపేస్తావు!

నీ పాద ముద్రల్ని గీస్తుంటానా..

అనిర్వచనమయిన ఆనందాన్ని అందిస్తావు..

మొదటి మెట్టుపై నిలుచుంటానా..

ఆఖరి మజిలీ నువ్వే అంటావు..

నే చేతిని అందిస్తానా..

చిగురులా నూతనోత్సాహాన్ని నింపుతావు.

నువ్వే కావాలని నేనంటానా..

నీ గుండెలో నా ప్రతి రూపాన్ని నింపుతావు

ప్రతిక్షణం నీదేనని నేననుకుంటానా..

ప్రతి శ్వాసలో నేనేనని నువ్వంటావు..

నిజం..

నువ్వే నేను..

నేనే నువ్వు..!