ఆశ ముడిచిన పొట్లమై 

బతుకు అంచుల నిలవగా 

చదువు రేకుల చందమై 

నడిచివచ్చే అమ్మగా 

మంచు మెట్ల పైన నుండి

ఈ జాడ కదిలేనో కదా 

అది నీడలేని బాట అయింది..

సరస్వతి నిలయమైంది..

'కొక్కోరోక్కో' 

పల్లె తల్లిని 

నిద్రలేపుతుంది 

'కోట్ల' కోసం  

పట్నవాసం  

నిద్ర మరచిపోతుంది 

ఒక నారి 

గుండె చెక్కలయి

అమ్మ అయింది 

కన్న బిడ్డ కోసం!

ఒక బండ రాయి

ముక్కలయి

దేవుని  బొమ్మయింది 

ప్రజల ముక్తి కోసం!

అందమయినవేవీ 

అధికంగా ఉండవు 

అది చందమామయినా 

సూర్య బింబమయినా...