ఆరాధన

మనసున నీరూపం నిలిచింది

మమతల పెనుతుఫాను లేపింది

మమతలెరుగని మనసు నాది

మనసే లేని మనిషివి నీవు

పిచ్చిగా తలుస్తాను నిన్నే ప్రియ బంధవుడని

ప్రేమ నిండిన నీ చూపే పదివేలు అనుకుంటాను.

అంకితం చేసాను ఎప్పుడో అంతరంగాన్ని నీకే

అందుకోలేనని తెలుసు

అది అవివేకమని తెలుసు

ఎన్ని తెలిసినా ఏమి ప్రయోజనం!

నీ జ్ఞాపకాన్ని వీడలేను

నిన్ను మరచి మనలేను!

నువ్వు ఎవరినైనా ప్రేమించాలి

నాలాగే కన్నీళ్లు నింపాలి

అర్థమవుతుంది అప్పుడే నీకు

ఆరాధనకు అర్థమేమిటో ?